మెగాస్టార్ చిరంజీవి హీరోగా కేఎస్ రవీంద్ర(బాబీ) దర్శకత్వంలో #MEGA154 అనే వర్కింగ్ టైటిల్ తో ఓ యాక్షన్ ఎంటర్టైనర్ తెరకెక్కుతున్న సంగతి తెలిసిందే.
ఇందులో శృతి హాసన్ హీరోయిన్ గా నటిస్తుండగా.. మాస్ మహారాజా రవితేజ ముఖ్యమైన పాత్ర పోషిస్తున్నారు.తాజా అప్డేట్ ఏమిటంటే.. ఈ చిత్ర నిర్మాతలైన మైత్రీ మేకర్స్ ట్విట్టర్ ద్వారా మెగాస్టార్ 154 సినిమాకు సంభందించిన టైటిల్ టీజర్ అప్డేట్ ను ప్రకటించారు. అక్టోబర్ 24వ తేదీ ఉదయం 11:07 గంటలకు ఈ టైటిల్ టీజర్ ను విడుదల చేయబోతున్నట్లు తెలిపారు.
ఈ చిత్రం పై మెగా ఫ్యాన్స్ చాలా ఆశలు పెట్టుకున్నారు. మెగాస్టార్ ఈ సినిమాతో ఖచ్చితంగా బ్లాక్ బస్టర్ కొడతారని వారి గట్టి నమ్మకంతో ఉన్నారు.
మైత్రీ మూవీ మేకర్స్ బ్యానర్ లో నవీన్ యెర్నేని - వై రవిశంకర్ ఈ చిత్రాన్ని భారీ స్థాయిలో నిర్మిస్తున్నారు. జికె మోహన్ సహ నిర్మాతగా వ్యవహరిస్తున్నారు. రాక్ స్టార్ దేవిశ్రీ ప్రసాద్ సంగీతం సమకూరుస్తున్నారు. ఆర్థర్ ఎ విల్సన్ సినిమాటోగ్రఫీ అందిస్తుండగా.. ఎఎస్ ప్రకాష్ ప్రొడక్షన్ డిజైనర్ గా వర్క్ చేస్తున్నారు.
డైరెక్టర్ బాబీ ఈ చిత్రానికి కథ, మాటలు అందిస్తుండగా.. ప్రముఖ రచయిత కోన వెంకట్ - కె.చక్రవర్తి రెడ్డి కలిసి స్క్రీన్ ప్లే సమకూరుస్తున్నారు. హరి మోహన కృష్ణ మరియు వినీత్ పొట్లూరి కూడా రైటింగ్ డిపార్ట్మెంట్ లో ఉన్నారు. దీనికి నిరంజన్ దేవరమానే ఎడిటర్ గా.. సుస్మిత కొణిదెల కాస్ట్యూమ్ డిజైనర్ గా వర్క్ చేస్తున్నారు
0 comments:
Post a Comment