మెగాస్టార్ చిరంజీవి, శృతి హాసన్ కాంబినేషన్ లో ప్రస్తుతం తెరకెక్కుతున్న మూవీ వాల్తేరు వీరయ్య. మైత్రి మూవీ మేకర్స్ బ్యానర్ పై రవిశంకర్, నవీన్ ఎర్నేని ఎంతో భారీ స్థాయిలో నిర్మిస్తున్న ఈ సినిమా నుండి ఇప్పటికే రిలీజ్ అయిన మూడు పాటల ప్రేక్షకుల్ని ఎంతగానో ఆకట్టుకుని సినిమా పై భారీ స్థాయి అంచనాలు ఏర్పడేలా చేశాయి.
ఇక ఈ మాస్ యాక్షన్ ఎంటర్టైనర్ నుండి మెగాస్టార్ తో పాటు మాస్ మహారాజా కలిసి చిందేసిన పూనకాలు లోడింగ్ సాంగ్ ని ఈ రోజు సాయంత్రం రెండు తెలుగు రాష్ట్రాల్లోని పలు ఎంపిక చేసిన థియేటర్స్ లో లాంచ్ చేశారు. ఈ పాట కోసం ఆయా థియేటర్లలో మెగా అభిమానులు మరియు మాస్ రాజా అభిమానులు భారీగా సంబరాలు జరుపుకున్నారు.
రాక్ స్టార్ దేవిశ్రీప్రసాద్ సంగీతం అందించిన ఈ పాటలోని బీట్ లు మరియు పాట హుక్ లైన్ అయిన " డోంట్ స్టాప్ డాన్సింగ్.. పూనకాలు లోడింగ్ " మాస్ ప్రేక్షకులని ఉర్రూతలూగించేలా ఉన్నాయి.
మెగాస్టార్ చిరంజీవి సిగరెట్ వెలిగించి వేసే స్టెప్, దానికి బ్యాక్ గ్రౌండ్ లో వచ్చే ఫ్లూట్ బిట్ సాంగ్ మొత్తానికే హైలైట్ గా నిలిచింది. ఇక పాట మధ్యలో మాస్ రాజా ఎంట్రీ ఆ పైన మెగాస్టార్ తో కలిసి వేసే స్టెప్ లు చూడటానికి ప్రేక్షకులు మరింత ఆసక్తితో ఉండేలా లిరికల్ వీడియోను రూపొందించారు.
ఈ సినిమాకి ఆర్ధర్ కె విల్సన్ ఫోటోగ్రఫి అందిస్తున్నారు. మాస్ మహారాజా రవితేజ కీలక పాత్ర చేస్తున్న ఈ చిత్రంలో బాబీ సింహా, రాజేంద్ర ప్రసాద్, క్యాథరీన్ త్రెసా వంటి వారు ఇతర కీలక పాత్రలు చేస్తున్నారు.
ఈ పాటలో ఇప్పుడు చూసింది చిన్న సెలబ్రేషన్ మాత్రమే అని, రేపు థియేటర్స్ లో ఇద్దరు హీరోల ఫ్యాన్స్ తో పాటు రేపు ప్రేక్షకులని ఈ మాస్ సాంగ్ విపరీతంగా అలరిస్తుందని అంటోంది వాల్తేరు వీరయ్య చిత్ర బృందం. కాగా ఈ సినిమాని సంక్రాంతి కానుకగా జనవరి 13న భారీ స్థాయిలో విడుదల చేస్తున్న సంగతి తెలిసిందే.
0 comments:
Post a Comment